Ma Vitra Ko Mah Nepali Kabita By Prasiddha Devkota

 म भित्रको म

                                                   ✍️अस्मित भुसाल  

म बाहिर जति चञ्चल भए पनि

म भित्रको म निकै धीर छ

म बाहिर जति कातँर भए पनि 

म भित्रको म निकै वीर छ 

म बाहिर जति सङ्कोच गरे पनि

म भित्रको म आफैँमा दयावान् छ

दुनिया साराले मलाई नराम्रो भने पनि

म भित्रको म आफैँमा स्वाभिमान छ

म जति कटुवचन बोले तापनि

म भित्रको म निकै नरम छ

दुनिया मलाई जति तुक्ष्य सोचे पनि

म भित्रको म निकै परम छ

म बाहिर जति उत्ताउलो देखिए पनि

म भित्रको म निकै गहकिलो छ

म औँसीको अँध्यारो रात सरि भएपनि

म भित्रको म निकै चहकिलो छ

म जति नै नराम्रो बाटोमा हिडेँ पनि

म भित्रको म सत्मार्ग मै हिँड्दछ

म आएका ती चुनौतीसँग जति डराए पनि

म भित्रको म हरेक चुनौतीलाई चिर्दछ 

मैले अघि बढ्ने आटँ कहिल्यै नदेखाए पनि

म भित्रको म गन्तव्य तर्फ लम्कन्छ

म बाहिर जति नै मलिन देखिए तापनि

म भित्रको म निकै नै चम्कन्छ

म समाजमा अन्यायको सामु नबोले पनि

म भित्रको म नारा कहने गर्छ

म बाहिर जति नै स्धिर देखिए पनि

म भित्रको म खोला झै बहने गर्छ

म राष्ट्रियताको लागी कहिल्यै नलडे पनि

म भित्रको म राष्ट्रको लागि मर्न खोज्छ

म कविता लेख्न कहिल्यै नखोज्दा पनि 

म भित्रको म रचना गर्न खोज्छ ।

धन्यवाद...❤️